Канцеларијата на судска медицина на округот Лос Анџелес синоќа го објави токсиколошкиот извештај, во кој се заклучува дека Пери земал инфузиона терапија со кетамин за депресија и анксиозност недела и пол пред неговата смрт.
Сепак, кетаминот во неговиот систем во моментот на смртта „не можеч да биде од таа инфузиона терапија, бидејќи полуживотот на кетаминот е 3 до 4 часа или помалку“.
Според лекарот, кетаминот во системот на Пери предизвикал и кардиоваскуларна прекумерна стимулација и респираторна депресија. Анализата не откри траги од алкохол, метамфетамин, кокаин, хероин, PCP или фентанил.
Фактори кои придонесуваат за смртта на Пери вклучуваат давење, коронарна артериска болест и ефектите на бупренорфинот. Бупренорфин се користи за одвикнување на луѓето зависни од опиоиди.
Безживотното тело на актерот беше пронајдено во џакузито во неговиот дом во Лос Анџелес во октомври, но аутопсијата во тоа време беше неубедлива.
Пери беше најпознат по неговата улога како Чендлер Бинг во серијата „Пријатели“ која се емитуваше од 1994 до 2004 година.
