Високиот холестерол главно е предизвикан од јадење мрсна храна, недостаток на вежбање, прекумерна тежина, пушење и пиење алкохол. Тоа се однесува на вишок на маснотии во крвта и може да биде опасно ако не се лекува бидејќи може да предизвика различни компликации, вклучувајќи срцев и мозочен удар.
Иако прилагодувањето на вашата исхрана е клучно за намалување на холестеролот, постојат одредени додатоци во исхраната кои можат да помогнат.
Омега-3
Омега-3 масните киселини се познати по нивната способност да ги намалат триглицеридите и да го намалат ризикот од срцеви заболувања. Можете да додадете масна риба во вашата исхрана, но корисни се и додатоците на омега-3 масни киселини. Освен што го намалуваат холестеролот, тие го намалуваат воспалението, ја поддржуваат когнитивната функција и ја прават кожата, видот и зглобовите поздрави.
Црвен квасец
Црвениот квасец е традиционален кинески лек познат по своите својства за намалување на холестеролот. Се добива од ферментиран ориз и содржи монаколини, соединенија кои ефикасно го спречуваат производството на холестерол.
Артишок
Откриено е дека артишокот го инхибира производството на холестерол, а во исто време го промовира неговото разградување и ја намалува неговата апсорпција во цревата. Артишокот го зголемува и производството на жолчката и нејзиното движење во цревата, што го подобрува начинот на метаболизирање на мастите од храната, пишува Експрес.
