Амбасадорот на Израел во Обединетото Кралство изјави за Sky News дека нејзината земја нема да прифати решение за две држави откако ќе заврши војната во Газа.
Запрашана да ја коментира можноста Палестинците да имаат своја држава, Ципи Хотовели рече: „Апсолутно не“.
На прашањето како може да има мир во Израел без палестинска држава, таа додаде: „Израел знае денес, а светот треба да знае сега, дека Палестинците никогаш не сакале држава покрај Израел. Сакаат да имаат земја од река до море. Тие го кажуваат гласно и јасно“.
Претходно во интервјуто, Хотовели беше прашана за барањата на ОН за итен хуманитарен прекин на огнот, на што таа одговори: „Примирје – не. Тоа само во основа значи дека посакуваме уште еден напад како оној на 7 октомври. Тоа е единственото нешто што значи (прекинот на огнот).
А кога ја прашаа за предлогот на американскиот претседател Џо Бајден Израел „непромислено“ да ја бомбардира Газа, таа рече: „Апсолутно не… Се сеќавате ли дека некоја земја во светот направи хуманитарен коридор за непријателот? Не се сеќавам дека сте помогнале на нацистичка Германија за време на војната, а не се сеќавам дека Америка им помагала на Јапонците за време на Втората светска војна“.
