Памела Андерсон уште еднаш се појави во јавноста без шминка и со тоа докажа дека не е роб на воспоставените норми на убавина.
Познатата актерка и модел присуствуваше на доделувањето на Британските модни награди во Лондон. Таа со насмевка на лицето им позираше на присутните фотографи и го покажа природниот изглед на своето лице.
Памела претходно сподели дека решила да престане да се шминка по тажен настан. Нејзиниот шминкер Алексис Вогел почина од рак на дојка.
„Алексис беше најдобар. И оттогаш само чувствував дека без Алексис е подобро да не се шминкам“, објаснила Памела Андерсон.
Таа рече дека без шминка се чувствува „слободна, забавна и малку бунтовничка“.
Оваа одлука ја смета за многу забавна бидејќи го прави спротивното од она што го прават сите други. Таа за прв пат се појави без шминка пред неколку месеци на модната недела во Париз.
