Стефан и Мартин Филиповски од дуото „Некст тајм“, по подолга пауза, синоќа го претставија својот нов проект. Станува збор за преработка на старата македонска песна „Кога падна на Пирина“, песна посветен на смртта на Јане Сандански.
„Веруваме дека македонскиот дух ќе живее вечно преку оваа песна. Веруваме дека ќе ве направиме горди“, изјавија Мартин и Стефан на промоцијата.
По „Ја излези Ѓурѓо“, „Слушам кај шумат шумите“, „Нешто ќе те питам бабо“ и „Јовка Кумановска“, „Кога падна на Пирина“ е последна во низата од проектот со обработка на македонски комитски песни.
За аранжманот на песната се погрижи Николче Мицевски.
