Продолжуваат воздушните, поморските и копнените напади на израелската армија врз блокираниот Појас Газа.
По еден од израелските напади, малото девојче Лана Абу Сафи беше спасено од под урнатините. Нејзината куќа била уништена. Девојчето имало среќа да се спаси и било префрлено во болницата Акса во градот Деир ал Балах.
Додека лежеше на подот во болницата, која е преполна со ранети цивили, таа рече:
„Ги сакам мајка ми и моето семејство“.
Најмалку 50 Палестинци загинаа во нападите на израелската армија врз градот Кан Јунис на југот на Појасот Газа и градот Деир ал Белах во централниот дел на опколената енклава.
Најмалку 40 Палестинци загинаа во нападите на израелските воени авиони врз градот Кан Јунис, додека десет лица загинаа во бомбардирањето на бегалскиот камп Нусејрат во Деир ел Белаха.
Израел ја продолжи својата воена офанзива врз Појасот Газа во петокот, откако стави крај на еднонеделното хуманитарно примирје со Хамас.
Најмалку 15.899 Палестинци се убиени, а повеќе од 42.000 се повредени во немилосрдните воздушни и копнени напади врз енклавата од 7 октомври.
