Американската актерка Шенон Доерти вчера соопшти дека ракот ѝ се проширил на коските. Актерката, која е најпозната по улогата на Бренда во серијата „Беверли Хилс 90210“, со години се бори со карциномот.
– Не сакам да умрам. Не сум завршила со животот. Не сум завршила со љубовта. Не сум завршила со создавањето. Не сум готова со менувањето на работите на подобро. Едноставно не сум готова – рекла Шенон за магазинот „Пипл“.
Во 2015 година ѝ бил дијагностициран рак на дојка, а во јуни тој се проширил во нејзиниот мозок.
По нејзината првична дијагноза за рак на дојка во 2015 година, Доерти имаше мастектомија и беше подложена на хемотерапија и зрачење.
Во април 2017 година, таа откри на Инстаграм дека влегла во ремисија. Но, до 2019 година, ракот се врати – и таа ја објави својата дијагноза на метастатски рак во стадиум 4 следната година.
Таа ќе се појави на насловната страница на декемвриското издание на магазинот „Пипл“.
Шенон е искрена и оптимистична додека зборува за ракот на дојката во четвртата фаза, кој се проширил до нејзините коски.
Се надева дека ќе ја подигне свеста за истражување за ракот, притоа покажувајќи како луѓето со рак сè уште можат да придонесат толку многу за светот.
– За мене е лудо што сè уште немаме лек – рекла Шенон.
Во 2015 година ѝ бил дијагностициран рак на дојка, а во јуни тој се проширил во нејзиниот мозок. Тогаш актерката сподели видео на кое лежи во болнички кревет пред операцијата.
„Имав тумор во главата што сакаа да го отстранат и да направат биопсија. Се обидувам да бидам храбра, но сум скаменета. Стравот ме обзеде“, напишала тогаш во описот.
