Сушењето алишта во затворен простор во зима го зголемува нивото на влажност до 30 проценти. Ова во никој случај не е добро за здравјето на членовите на домаќинството кои ја вдишуваат влагата и хемикалиите од детергентот и омекнувачот (бидејќи и тој во мали количини испарува од облеката за време на сушењето).
Според некои истражувања, дури и канцерогени хемикалии можат да се најдат во воздухот. Дополнително, влагата во воздухот кај некои луѓе предизвикува главоболки и проблеми со дишењето.
„Влажната средина го поттикнува растот на мувла кои можат да ги ослободат нивните спори, кои предизвикуваат алергиски реакции кај некои луѓе. Спорите на мувла и габи обично не се видливи за човечкото око. Во нормални ситуации, луѓето ќе киваат или кашлаат ако дишат во тие спори бидејќи на тој начин нашиот имунитет се бори со нив. Но, ако не сте чувствителни на мувла, можеби никогаш нема да имате реакција на тоа. Астматичарите кои се чувствителни на спори на габи може да страдаат најмногу во овие ситуации бидејќи тоа ги влошува нивните симптоми“, рече Фина Кени, од Ирското здружение за астма, за Independent.
Доколку алиштата се исушат на радијатор, тоа, покрај здравјето на домаќините, ќе го попречи и протокот на топлина низ домот, односно ќе се намали ефикасноста на радијаторот, што на крајот доведува до зголемено греење и повисоко сметки.
Исто така, самата влага која испарува го прави воздухот постуден, па иако термостатот е на иста температура, домот ќе биде постуден од вообичаено. Чувствителната облека што се става влажна на радијатори може да се оштети со кршење на еластичните влакна во нив.
Во сувите зимски денови и измиените алишта се ставаат надвор, на двор или балкон, а тоа најдобро го знаат нашите баби кои тоа го правеа секој ден. Таквото сушење е побавно отколку во лето, но алиштата се уште се сушат, дури и ако надвор е минус. Прво се замрзнува и постепено се суши. Само внимавајте! Не виткајте замрзнати алишта бидејќи може да се оштетат. Исто така, предноста од сушењето на отворено е тоа што алиштата нема да добиваат разни мириси од домаќинството, на пример, од цигари или од пржење кромид, пренесува Блесакинфо.
