Американски воен авион „Оспри“ (Osprey) се урна во океан во близина на јапонскиот остров Јакушима, соопшти јапонската крајбрежна стража.
Во авионот имало 8 лица и засега нема информации за нивната состојба.
Несреќата се случила околу 14.47 часот по локално време. Локалните жители пријавиле дека пламен се гледал на левиот мотор на авионот пред да падне во океанот.
Јакушима е еден од островите на архипелагот Охсуми во јапонската префектура Кагошима.
