Цените на метрото во Париз речиси ќе се удвојат за време на Олимпијадата во 2024 година, објави во вторникот претседателот на регионот на француската престолнина, додавајќи дека жителите со пропусници ќе бидат заштитени од привремено покачување на цените, а на посетителите ќе им се наплаќа „фер цена“.
Градоначалникот на Париз минатата недела предупреди дека услугите за јавен превоз, обезбедени од регионалните власти, ќе бидат недоволни за време на настанот.
Олимписките игри ќе се одржат од 26 јули до 11 август, а Параолимписките игри од 28 август до 8 септември.
„За време на Олимписките и Параолимписките игри, регионот Ил-де-Франс драматично ќе ја зголеми својата транспортна понуда. Не доаѓа предвид жителите да го поддржат тој трошок“, рече претседателката на регионот Валери Пекрес.
„Ќе создадеме нова пропусница, пропусница Париз 2024, која ќе им овозможи на посетителите да патуваат низ целиот регион Ил де Франс. Ќе чини 16 евра дневно, а до 70 евра неделно. „Тоа е фер цена“, рече таа.
Таа додаде дека билетот за метро ќе чини четири евра за периодот од 20 јули до 8 август, додавајќи дека тоа нема да влијае на жителите од регионот со редовен месечен или годишен билет.
Месечниот билет обично чини 84,10 евра.
