Легендарната американска кантри пејачка Доли Партон сними обработка на нејзиниот хит „Jolene“ (Џолин) од 1973 година со италијанската група „Манескин“, која стана мегапопуларна по победата на Евровизија.
Преработката е снимена во време на објавувањето на нејзиниот нов албум „Рокстар“, но не е вклучена во албумот, туку може да се слушне во специјална верзија.
Судејќи според коментарите на социјалните мрежи, обожавателите се одушевени од оваа необична соработка.
„Доли Партон и ‘Манескин’? Ова е генијално“, „Сега ги сакаме Мајли Сајрус и ‘Манескин’“, „Ова е совршено“, „Момчиња, многу сум горд на вас“, се дел од коментарите на Инстаграм.
Меѓутоа, има и такви на кои не им се допаднала оваа комбинација.
„Оваа песна е уништена ако ја пее кој било, освен Доли Партон“, пишуваат тие.
Песната „Jolene“ е еден од најголемите хитови на 77-годишната пејачка. Текстот на песната е за банкарска службеничка која флертувала со нејзиниот сопруг додека Доли била на турнеја.
