Иако црната боја е почеста во гардеробата во постудениот дел од годината, многу жени не се откажуваат од неа ниту на највисоките температури. Притоа, тие внимаваат да избираат полесни материјали како што се памук и лен и лелеави парчиња за да го задржат дишењето на кожата.
Меѓу црните парчиња кои имаат свое место во гардеробата во текот на целата година се и фустаните. Тоа е модна класика која се наоѓа во повеќето гардероби и парче што одлично функционира во различни прилики.
Црните фустани, меѓу другото, не спасуваат во деновите кога не знаеме што да облечеме. Тие одговараат на секого и лесно се комбинираат и се прилагодуваат на сечиј стил и вкус. Во секој случај, ова е парче облека кое сигурно нема да стои неискористено на долниот дел од плакарот.
Со оглед на тоа дека веќе зачекоривме во пролетта и дека деновите стануваат се потопли, во нашата галерија одбравме поудобни, разлетани модели на црни фустани со средна должина, а на некои можеби ќе има место и во вашата гардероба.
Модел кој се „разредува“: 15 фустани во кои докажано изгледаме послаби
Продавниците нудат модели со различни кроеви и дезени, а особено се популарни точките. Дополнително, некои фустани се намалени како дел од вонсезонските попусти, па сега е можност за нешто поевтино купување.
