Бразилската манекенка Адријана Лима неодамна присуствуваше на премиерата на „The Hunger Games: The Ballad of Songbirds & Snakes“ во Лос Анџелес, а нејзиниот физички изглед не остана незабележан.
Манекенката прошета на црвениот тепих во црвено-црн мини фустан, а друштво и правеа нејзините деца што ги доби од првиот брак со српскиот кошаркар Марко Јариќ, ќерките Валентина и Сиена, како и нејзиниот сегашен сопруг, продуцентот и претприемач Андре Ламерс.
Најголемо внимание на јавноста не привлече семејната идила на црвениот тепих, туку изразот на лицето, односно естетските зафати кои ги направила Лима.
Многумина се посомневаа дека станува збор за зафатот „очи на лисица“ (fox eyes), на кој се подложиле многу познати дами, а се работи за операција на лицето, односно корекција на очите, за да добијат косa форма.
„Морам да знам што се случило со лицето на Адријана Лима. И тоа морам веднаш да знам“, гласи еден коментар на социјалната мрежа Икс (поранешен Твитер), а потоа почнале лавина критики …
„Што му направи на лицето?“, „Зошто се оперираше?“, се само дел од коментарите…
ФОТО: Инстаграм
