Српската водителка Мина Наумовиќ донела одлука да ја одложи венчавката со српскиот водител Огњен Амиџиќ, тврди извор близок до парот!
Кога дознал дека неговата девојка Мина Наумовиќ е во бремена, водителот Огњен Амиџиќ одлучил да се венчаат пред да се роди бебето. Меѓутоа, двајцата сепак решиле да ја одложат венчавката за следната година, пренесува „Стар“.
Венчавката ќе се одржи есента 2024 година, а Мина треба да се породи во март. Бидејќи бременоста и е малку потешка, Амиџиќ и таа решија да направат свадба кога бебето ќе наполни шест месеци.
– Огњен беше за тоа да се венчаат во декември, но Мина сепак не е за тоа. Сега често има мачнини, а и хормоните го прават своето, па разговарала со Амиџиќ и се договориле венчавката да се помести за следната година и да се направи наесен, кога бебето ќе наполни шест месеци, бидејќи ќе им биде полесно со организацијата – раскажува таа за Стар“, близок извор на парот додава:
– Дотогаш Мина ќе ослабе и ќе биде во полн сјај, бидејќи сака тој ден се да биде совршено – наведува овој извор.
Инаку, Огњен претходно откри дека планира свадба во странство.
