Фудбалерите на Тулуз на домашен терен го победија Ливерпул со 3:2, а со тоа „црвените“ ги постигнаа првите бодови во Лига Европа.
Тулуз го изненади Ливерпул со головите на Донум, Далинг и Магри, додека Касерес Јуниор (автогол) и Диого Јота го ублажија поразот.
Јирген Клоп, тренерот на Ливерпул, на прес-конференцијата збесна бидејќи целата сцена ја доживеа како пресметана провокација.
Конференцијата се одржа во шатор, а беше прекината од навивачите на францускиот тим во еуфорична прослава по триумфот. Клоп и новинарите се бореа да стигнат до местото каде што ќе се одржи конференцијата, а цело време имаше врева, скандирања и довикувања од навивачите на домашниот тим.
Ниту Клоп не можеше мирно да одржи прес-конференција, па во еден момент изјави.
„Чија беше идејата да се одржи прес-конференција овде? Тоа е интересно прашање. Леле…“, рече Клоп додека гледаше наоколу јасно сигнализирајќи колку околината му пречи.
Уште по крајот на натпреварот беше јасно дека е фрустриран пред се затоа што неговиот тим ја имаше топката 72 проценти од времето и упати 19 шута, но сепак загуби.
