Компанијата Мета воведе претплата на Фејсбук и Инстаграм и во Хрватска. Цената на претплатата ќе биде 12,99 евра месечно и оние корисници кои ќе ја платат нема да имаат реклами на овие социјални мрежи. Оние кои не сакаат да платат претплата ќе користат Instagram и Facebook како и обично со реклами.
Корисниците на Фејсбук и Инстаграм почнаа да добиваат известувања за воведување претплати на овие социјални мрежи. Имено, оние корисници кои ќе одлучат да платат претплата од 12,99 евра ќе можат да користат Инстаграм и Фејсбук без да им се прикажуваат реклами. Оние кои не сакаат да платат претплата ќе ги користат овие социјални мрежи како и досега, со реклами кои ќе бидат персонализирани, пишува Средња.хр.
„Поради промена на законот во вашиот регион, сега можете да изберете да продолжите да ги користите производите на Мета бесплатно со тоа што ќе ни дозволите да ги користиме вашите информации за реклами или можете да се претплатите за користење на производите на Мета без реклами“, се вели во известувањето.
Оние кои ќе одлучат да користат Фејсбук и Инстаграм без реклами, односно за претплата, ќе треба да плаќаат 12,99 евра месечно. Ако, на пример, сакате да користите само Фејсбук без реклами, за тоа ќе треба да издвоите 9,99 евра.
Дури и ако првично одлучивте да користите Фејсбук или Инстаграм со реклами, можете да го прилагодите вашиот избор во секое време во поставките и да се префрлите на плаќање за претплата.
