На познатиот доктор Шепард од серијата „Вовед во анатомија“ ласкавата титула му ја додели магазинот „Пипл“, а за совршен маж беше прогласен во вторникот вечерта во текот на емитувањето на шоуто на Џими Кимел.
Патрик Демпси има 57 години и одамно гласи за многу харизматичен маж и голем холивудски шармер на кој многу жени се слаби. Покрај тоа, тој има завидна кариера, а улогата на Дерек Шепард му донесе две номинации за Златен глобус.
Покрај сето горенаведено, актерот е и среќно оженет, бидејќи 24 години е заедно со сопругата Џилијан Финк, со која има три деца.
Актерот заслужено ја краси насловната страница на новиот број на магазинот „Пипл“.
