Основачот и член на жирито на мегапопуларните шоуа „Икс фактор“ и „Америка има талент“, Сајмон Кауел, призна дека претерал со ботоксот, а неговиот последен третман го довел до непрепознатливост.
Кауел решил да прекине со ботоксот кога неговиот изглед предизвикан од ботоксот го довел неговиот син Ерик (8) до, како што рекол, хистерија.
Сајмон го менуваше изгледот со години наназад, а во 2016 година се виде драстична разлика кога, како што вели, „постоеше фаза во која на сите лицата им беа полни со ова и она“, пренесува „Дејли мејл“.
Тој изјави дека тој период отишол малку предалеку поради желбата за младешки изглед.
– Пред некој ден видов своја фотографија од „порано“ и не препознав дека сум тоа јас – признал Сајмон.
Музичкиот могул истакнал дека престанал поради синот, кој забележал дека татко му го менува изгледот, а открил и дека сега повеќе нема филери на лицето.
– Беше хистеричен. Доста беше – изјавил Кауел.
ФОТО: Инстаграм
