Претседателот Стево Пендаровски вели дека оценката за неговиот мандат треба да ја дадат граѓаните и затоа покрај партиската поддршка, важна му е и оценката од граѓаните.
Пендаровски го изјави ова во синоќешното интервју за ТВ Шења каде беше прашан за неговите намери за кандидатура за втор мандат.
„Претседателот изјави дека му е потребно да има поддршка од партиите кои застанаа зад неговата кандидатура на претходните избори, но истакна дека еднакво значајна му е и поддршката од оние граѓани кои не се членови на политички партии, од лицата кои се неопределени или кои ретко излегуваат на гласање, или пак сметаат дека сите политичари се исти и нивниот глас нема да направи разлика“, соопшти Кабинетот на претседателот.
