Навивачите на шкотскиот Селтик во последното коло од групната фаза во Лигата на шампионите против Атлетико Мадрид ги „обоија“ трибините со палестински знамиња.
Иако клубот се обиде да спречи ваква поддршка за да избегне казна од УЕФА, навивачите не слушаа.
Селтик веќе двапати оваа сезона е казнет поради активностите на навивачката група Зелена бригада. Првиот пат поради пиротехниката против Феенорд, а вториот поради антифашистичката кореографија упатена до навивачите на Лацио придружена со пцовки.
Шкотскиот клуб сега им забрани на навивачите да доаѓаат на натпревари, односно им ги суспендираше сезонските билети.
