Бугарското село Јаребица кое се наоѓа на само 15 километри од Општина Карџали, стана вест на денот на локалните избори во Бугарија, но и пошироко.
До селото тешко се стигнува, бидејќи патот е прилично лош, навигацијата не функционира, а таму нема ниту продавница ниту некаков центар.
Но, Рашед Тефик годинава беше избран за кмет– градоначалник со само 4 гласа, јавува БТВ.
Тефик вели дека според избирачкиот список во селото живеат 130 луѓе, но во реалноста се четворица – тој, неговата сестра и двајца соседи.
Бугарскиот закон налага во населени места, каде што има повеќе од 100 души со постојана адреса, неопходно е да се да се избере кмет на локални избори.
На вчерашните избори се бараа четири лица да гласаат за кмет.
Имаше само еден кандидат – Решед Тефик.
Сестрата на Решед е болна и невработена, а двајцата преостанати жители на селото се пензионери. Очигледно сите, вклучително и самиот тој, гласале за Решед.
