Времето денеска ќе биде сончево и топло со мала до умерена облачност, информираше УХМР.
„Ќе дува слаб до умерен, а во западните делови повремено засилен ветер од југозападен правец. Во Скопје сончево со мала до умерена облачност и со слаб југозападен ветер. Продолжува периодот на релативно топло време за овој период од годината. Утре ќе дува умерен, а во западните делови повремено засилен ветер од југозападен правец. Потоа во следните денови по одделни котлини ќе има појава на утринска магла. Кон средината на неделата се очекуваат локални врнежи од дожд“, наведено е во соопштението на УХМР.
Прогноза за недела:
Сончево и топло со мала до умерена локална облачност и со слаб ветер од северозападен правец.
Прогноза за понеделник:
По одделни котлини ќе има појава на утринска магла, а во текот на денот сончево и топло со слаб до умерен ветер од јужен правец.
Прогноза за вторник:
Сончево и топло со мала до умерена облачност и со слаб до умерен ветер од југоисточен правец. По одделни котлини ќе има услови за појава на утринска магла.
