Сообраќајна несреќа со тешко повредени лица се случила на 20 октомври околу 03:40 часот на автопатот А3, кај Горња Врба.
Како што се наведува во полицискиот извештај, се случила сообраќајна незгода во која со тешки телесни повреди се здобиле сите учесници во сообраќајната незгода, на кои им била укажана лекарска помош во Општата болница во Славонски Брод.
Според неофицијални информации на порталот SBonline, сообраќајната несреќа ја предизвикал 40-годишен полицаец на полициската управа Вуковар-Срем со сопствено, „скапо“ возило Ауди РС 7.
Според потврдени информации од Полициската управа Брод-Посавина, во добиената пријава е наведено дека 40-годишникот бил под дејство на алкохол, со измерена концентрација од 1,65 промили.
До несреќата дошло кога 60-годишен државјанин на Р.Србија управувал автомобил со српски национални таблички од исток кон запад, а зад него во истиот правец се движело „ауди“ со хрватски регистерски таблички управувано од 40- годишен маж, додека во возилото имало 41-годишен. 40-годишникот додека возел не го задржал потребното растојание движејќи се зад возилото што го управувал 60-годишникот, што резултирало со судир со задниот дел од автомобилот и двете возила слетале на тревната површина.
