Амазон тестира хуманоидни роботи во магацини. Синдикатите предупредуваат на губење работни места, што технолошкиот гигант го негира.
Технолошкиот гигант Амазон пред неколку дена на јавноста и претстави хуманоидни роботи за работа во магацини.
Роботот наречен Дигит има раце и нозе и може да се движи, фаќа и манипулира со предмети слично како човек. Како што најавија од компанијата, со овој потег сакаат да „го олеснат товарот на вработените со цел да се подобри испораката до клиентите“.
Работничките синдикати го коментираа воведувањето на хуманоидните роботи, велејќи дека Амазон „со години ги третира своите работници како роботи“. „Автоматизацијата на Амазон е трка со врат за губење на работни места“, изјави за Би-Би-Си Стјуарт Ричардс од британскиот синдикат GMB. „Видовме дека стотици работни места исчезнуваат во центрите за исполнување на Амазон.
При најавата за воведување на роботите, Амазон објави дека роботските системи помогнале да се создадат „стотици илјади нови работни места“. „Ова вклучува 700 категории на нови видови работни места кои претходно не постоеја во компанијата“, соопштија од компанијата.
Според технолошкиот гигант, сега има повеќе од 750.000 роботи кои „соработуваат“ со луѓе и често ги користат за „повторливи задачи“. Главниот технолог на Amazon Robotics, Тај Брејди, им рече на новинарите дека луѓето се „незаменливи“ и ги негираше сугестиите дека компанијата би можела да има целосно автоматизирани магацини во иднина.
Амазон ја зголеми употребата на роботи во последниве години во обид да ги намали оперативните трошоци. Минатата година, компанијата објави дека тестира џиновска роботска рака која може да подига предмети, веќе користи роботи на тркала за движење на стоки низ своите магацини и почна да користи беспилотни летала за испорака во две американски држави.
