Израелската армија објави дека извршила напад врз цели на Хезболах во јужен Либан, јавува Анадолија.
Според веста на израелскиот весник „Једиот Ахронот“, израелски воен извор, кој сакал да остане анонимен, рекол дека нападнале цели на Хезболах, но не дал детални информации.
Во вестите на телевизискиот канал „Ал-Мејадин“, познат по својата блискост со либанскиот Хезболах, се наведува дека израелски воени авиони нападнале цели на Хезболах во селата Шуба и Ел-Адисе во регионот на планината Дуф во јужен Либан.
Тензиите се зголемија долж израелско-либанската граница поради размена на оган меѓу израелските сили и Хезболах.
Ескалацијата се случи за време на израелските воздушни напади врз Појасот Газа, започнати по нападите на палестинската група Хамас врз израелските погранични градови.
Хезболах водеше неколку војни со Израел, а последната во 2006 година, кога либанската група ги гранатираше големите израелски градови, предизвикувајќи значителна материјална штета. Повеќе од 1.000 Либанци се убиени во конфликтот, додека голем дел од јужниот дел на Либан, упориште на Хезболах, е уништен од израелските напади.
