Американската пејачка и поп принцеза, Бритни Спирс имаше психички слом пред околу 15 години, а сите се сеќаваме на фотографиите како ја сече целата коса. Фотографиите на крајот се претворија во меме, а Спирс конечно реши да признае што ја натерало да ја избричи главата во 2007 година.
Бритни после 16 години конечно призна дека во тоа време тешко се справувала со славата и со фактот дека секој нејзин чекор бил следен.
„Ме гледаа толку многу кога растев. Ме гледаа од глава до пети, луѓето ми кажуваа што мислат за моето тело уште од тинејџерска возраст. Бричењето на главата и глумата беа моите начини на откажување“, напиша таа во своите мемоари, во кои се сеќава на нејзиното тешко воспитување и одење на рехабилитација.
Во 2007 година, Бритни беше на рехабилитација, а меѓу посетите во центарот за рехабилитација, посети фризерски салон во Калифорнија и побара од фризерката целосно да го промени изгледот. Меѓутоа, сопственичката на салонот го одбила нејзиното барање, па Бритни ги презела работите во свои раце фаќајќи и ја шишајќи ја косата додека папараците фотографирале низ прозорците.
Тој инцидент се случил во периодот на разделбата и битката за старателството над децата со Кевин Федерлајн, а нарушената психичка состојба резултирала со хоспитализација на принудно психијатриско лекување.
Во тој момент, нејзиниот татко Џејми Спирс ја презел контролата над нејзиниот живот и со дозвола на судот бил назначен за законски старател на неговата ќерка. Покрај тоа, тој ја презеде контролата врз нејзините лични, медицински и финансиски работи во 2008 година и таа повеќе немаше никакво влијание врз нејзиниот секојдневен живот.
„На сцената станав повеќе ентитет отколку личност. Секогаш сум чувствувала музика во коските и во крвта; ми го украдоа тоа“, пишува Спирс, тврдејќи дека туторството на нејзиниот татко и ја одзело женственоста и ја претворило во кукла.
Откако Бритни сведочеше на отворен суд во 2021 година против нејзиниот наводен злоупотребувачки старател, судија од Лос Анџелес го суспендираше Џејми како нејзин старател.
