Станува постудено, деновите се пократки, а за многу луѓе тоа значи почеток на сезонско афективно растројство. Милиони страдаат од таканаречениот зимски блуз помеѓу октомври и април.
„Повеќето луѓе ќе ги почувствуваат првите симптоми веќе во првите две до три недели од октомври. Навистина треба да почнеме да ја сфаќаме оваа состојба многу посериозно бидејќи, ако не се лекува, може да уништи животи и да влијае на заболените долго откако ќе заврши зимата“, изјави Лин Крили, која е специјализирана за лекување на оваа состојба, за The Sun.
Што е сезонско афективно нарушување?
Тоа е еден вид депресија која доаѓа и заминува по сезонски модел, односно во време кога поголемиот дел од денот е темно, а телото е помалку изложено на сончева светлина.
Мажите имаат двојно поголема веројатност да развијат симптоми, а неодамнешниот извештај покажа дека оние кои живеат во Шкотска, Северен Велс и Лондон се најподложни поради помалата количина на директна сончева светлина што ја добиваат.
Симптомите можат да се појават кај луѓе од сите возрасти, вклучително и кај децата“, посочува Крили.
Што предизвикува сезонско афективно нарушување?
Според Крила, точната причина за сезонското афективно растројство е непозната, иако се смета дека тоа е ефектот на светлината врз природните деноноќни ритми.
Имено, утврдено е дека оние кои патат од сезонско афективно растројство имаат пониско ниво на серотонин кој го регулира расположението и поголемо ниво на мелатонин кој ни помага да заспиеме.
Како да препознаете сезонско афективно растројство?
Најчестите симптоми на сезонско афективно растројство се губење на интерес за активности во кои вообичаено уживаме, намалено либидо, проблеми со концентрацијата, зголемен апетит (особено за јаглехидрати) и поспаност.
Како се лекува сезонското афективно растројство?
Експертите велат дека сезонското афективно растројство треба да се третира како и другите видови депресија – со когнитивна бихејвиорална терапија. Пациентите користат и комори за фототерапија.
Помагаат и намалениот внес на алкохол и зголемената консумација на темно чоколадо, масна риба, банани, црвено месо, авокадо и јаткасти плодови.
