На улицата „Тодора од Сталиќ“ во Белград синоќа со црвена боја беше обоен мурал на Дража Михаиловиќ и на него беше испишано „антифа“.
Овој графит се појави недалеку од зградата на улицата Брегалничка, каде за денеска беше најавено отворањето на спомен-собата и скулптурата на Дража Михаиловиќ.
Зад идејата Дража Михаиловиќ да добие спомен соба стојат две организации – „Наша Дрина“ и „Организација на ветераните на Србија и Српска“ предводени од Игор Брауновиќ, пратеник на Социјалистичката партија на Србија и в.д. директор на јавното претпријатие „Србијашуме“.
Хелсиншкиот комитет за човекови права и Сојузот на комунистичката младина на Југославија и на овој начин се против рехабилитацијата на четничкиот лидер, а Сојузот бара тужба против иницијаторот.
Зелено-левичарски фронт / Ne davimo Белград вчера го осуди, како што велат, најавениот обид за формирање музеј и подигање споменик во Белград на осудениот воен злосторник и соработник на нацистичкиот окупатор Драгољуб Михаиловиќ.
Освен што целта на ваквиот обид за историски ревизионизам е натамошната поларизација на српското општество со ископување рани од минатото, тоа ја открива и политичката позадина на овој неприфатлив и реакционерен чин“, се вели во соопштението на Зелениот левичарски фронт.
Отворањето на спомен-собата беше најавено за денеска во 17 часот.
