Битолчнец на возраст од 46 години почина во болницата во Прилеп, откако беше тешко повреден во сообраќјна несреќа на патот Прилеп – Крушево.
Полицијата соопшти дека несреќата се случила вчера во 21.05 часот кога дошло до судир меѓу автомобил „киа“ со охридски регистарски ознаки, управувано од Д.Т.(46) од Битола, и патничко моторно возило „ауди“ со прилепски регистарски ознаки, управувано од И.Б.(43) од Прилеп. Во несреќата со тешки телесни повреди се здобил возачот Д.Т. кој бил пренесен во Градска болница-Прилеп каде починал, а по наредба на јавен обвинител телото е предадено за обдукција.
Во несреќата со тешки телесни повреди се здобиле малолетен сопатник од Прилеп во возилото „ауди“, а возачот И.Б. и сопатниците И.Б.(38) од Прилеп и уште еден малолетник се здобиле со телесни повреди, кои им биле констатирани во Градска Болница-Прилеп.
Увид на местото на настанот извршила увидна екипа од Полициска станица Прилеп и Јавен обвинител.
