Апелациониот суд му го укина притворот на Зоран Марјановиќ, кој минатата година беше осуден на 40 години за убиство на сопругата, пејачката на „Гранд“ Јелена Марјановиќ, бидејќи утврди дека последиците од убиството на пејачката го изгубиле интензитетот и значењето по 7 години.
Да потсетиме, Јелена Марјановиќ беше убиена на 2 април 2016 година во каналот покрај насипот во населбата Црвенка во Борча со девет удари со тап предмет во главата.
Пејачката Јелена, како што е утврдено, била убиена од страст, а судот наведе и дека напаѓачот бил некој што ја познавал жртвата. Кога станува збор за разбојник или платен убиец, начинот на извршување на злосторството е различен.
Повредите забележани на телото на пејачката укажуваат на тоа дека се борела со напаѓачот, како и дека трчала, а патиките, мобилниот телефон и врвката за коса кои испаднале при бегството се дел од индициите кои покажуваат дека жената бегала за да си го спаси животот.
По повод ослободувањето на Зоран Марјановиќ, вчера од српската Апелација соопштија:
„Оваа институција имајќи предвид дека критичниот настан се случил на 2 април 2016 година, односно пред повеќе од седум години, а Зоран Марјановиќ е уапсен година и пол по убиството на неговата сопруга и дека е во притвор кој се одржува до 12.07.2018 година, кога е укинат, а потоа дека му е одредена мерка притвор по објавување на правосилна пресуда во која е прогласен за виновен за кривичното дело тешко убиство и осуден на затворска казна од 40 години, дека и покрај значителниот интерес за овој кривично-правен настан, за кој неспорно пишуваа голем број печатени и електронски медиуми и за кој јавноста беше информирана, фактите и околностите поврзани со начинот на извршување на делото, а тежината на нејзините последици го изгубија својот интензитет со текот на времето од извршувањето на кривичното дело и важноста дека во оваа фаза од постапката тие би довеле до вознемиреност на јавноста, што може да го загрози непреченото и правично водење на оваа кривична постапка“, пишува српски „Блиц“.
„Имајќи го предвид наведеното, Апелација утврди дека е оправдан предлогот на бранителите на обвинетиот да му се укине притворот и веднаш да се ослободи. Со пресуда на Вишиот суд во Белград К 83/18 од 22 јули 2022 година, Зоран Марјановиќ е осуден на 40 години затвор за сторено кривично дело тешко убиство од член 114 точка 1 од Кривичниот законик, а на обвинетиот му е одредена мерка притвор до испраќање на обвинетиот во затвор, а најдоцна до истекување на рокот на казната изречена со првостепената пресуда“, се наведува во соопштението на Апелациониот суд.
