Црвена звезда и Јанг Бојс ги поделија бодовите (2:2) во натпреварот од 2. коло во Лигата на шампионите на белградска Маракана.
Домаќините поведоа преку поранешниот напаѓач на ХНЛ, Шериф Ндијаје, а во вториот дел следеше целосен пресврт. Швајцарците погодија преку Угриниќ и Итен, до 88. минута имаа три поени во џебот, но Звезда се врати по голема грешка и Букари погоди за конечни 2:2.
Ова ги разочара Швајцарците, кои не беа особено импресионирани од атмосферата на Маракана:
„Уште неколку зборови за загревање пред натпреварот. Застрашувачки не беа ниту свирежите на Дели, тврдокорни навивачи на Црвена звезда, кога играчите на 45 минути пред почетокот на мечот излегоа да се загреваат низ таканаречениот тунел на пеколот. Навивачите на Макаби во Хаифа секако беа погласни“, пишува швајцарскиот весник Blick по средбата во Белград.
За пласман во групната фаза од Лигата на шампионите, швајцарскиот тим одигра два натпревари против Макаби Хаифа, на домашен терен победи со 3:0, додека мечот во Израел заврши со резултат 0:0.
Во вториот натпревар од групата Г, Манчестер Сити славеше против РБ Лајпциг (3:1), а Јошко Гвардиол по натпреварот доби признание од својот поранешен клуб.
