Големиот пожар во фабриката за пластика „Драва Интернационал“ уште дивее. Тројца пожарникари се повредени, а еден од нив потешко, јавува Јутарни. Според снимките од сателит на Државниот хидрометеоролошки завод на Хрватска огнените јазици преминале и во Босна и Херцеговина.
Граѓаните на околните градови се на ризик од вдишување на загадениот воздух.
Префектот на Осиек-Барања, Иван Анушиќ, изјави дека е потребно да се истражи како со години се отстранувала пластиката, чие палење направила голема штета. Анушиќ додаде дека се работи за ситуација од голема опасност и дека санацијата ќе трае со години, но нагласи дека санацијата треба да ја сносат пред се сопствениците и оние служби кои не реагирале навреме.
Заменик-началникот на противпожарната станица во Осиек, Борис Бањан, изјави дека опремата на пожарникарите им се топи и дека се соочуваат со „пекол“.
– Ситуацијата е страшна. Горат повеќе од 10 хектари пластика и пламените стигнаа до ѕидовите на фабриката. Во моментов ги преместуваме сите запаливи и експлозивни предмети за да спречиме пожарот да се прошири на тој дел од зградата. За жал, еден објект веќе е погоден. Температурата е неверојатна, не можеме да се приближиме повеќе од 30 метри. Опремата ни се топи. Ни снемува вода одвреме-навреме, досега сме живи и здрави, но ова е пекол. Вакво нешто досега не сум видел – изјави тој за „Глас Славонија“.
Чадот од пожарот брзо се шири. Црн густ чад веќе е забележан во селото Винковци, кое е оддалечено 43 километри од Осиек, но и кај Кешинац кај Ѓаково, на околу 30 километри од Осиек.
Големиот пожар избувна синоќа на депонијата складирана пластика на компанијата „Драва Интернационал“ на излезот од Осиек кон Бријесто, а причината засега е непозната.
Пожарникар при гаснење пожар во Осиек паднал во шахта со врела пластика и со сериозни изгореници и повреди итно бил пренесен во КБЦ Осиек, каде во моментов му е укажана помош. Ова се случи откако началникот на пожарникарството Славко Туцаковиќ и командантот на ЈВП Осиек Горан Ивковиќ веќе дадоа изјави за медиумите, велејќи дека двајца пожарникари се повредени, и двајцата полесно.
Командантот на Јавната противпожарна бригада Осијек, Горан Ивковиќ , за новинарите изјави дека уште кога првата група пожарникари излегла на терен, рекол дека станува збор за катастрофален пожар, посочувајќи дека во својата 30-годишна кариера никогаш не забележан е таков интензитет на пожар, со неповолни временски услови.
До 10 часот беа потрошени 1.800 кубни метри вода, но проблемот е што водата што ја користиме за гаснење на пожарот оди во подземната вода и канализацијата, па моравме да се грижиме за тоа, објасни Ивковиќ.
Напоменува дека во гаснењето на пожарот многу помогнало активирањето на роботот Цивилна заштита, кој се контролира од далечина, а кој истура вода и средство за гаснење во пожарот.
Главниот командант на пожарникарите Славко Туцаковиќ прецизираше дека на местото на пожарот во моментов има 180 пожарникари и 82 противпожарни возила, а за гаснење се користи и противпожарен робот.
