Помина нешто повеќе од еден месец од трагичните настани во Атина, каде Михалис Кацурис го загуби животот во хулиганска пресметка меѓу навивачите на грчкиот клуб АЕК и Динамо.
Хулиганскиот конфликт се случи ден пред натпреварот на овие два клуба во Грција во 2. прелиминарно коло од Лигата на шампионите. Над стотина хрватски хулигани беа уапсени веднаш по убиството и тие во изминатиот период беа распоредени по затворите ширум Грција. Неколку хрватски хулигани успеале да побегнат и да се вратат во Хрватска, а по него била распишана потерница.
Неколку од нив се веќе уапсени, а хрватскиот медиум Национал денеска откри дека на 8 август кога екипата се враќала во Загреб, во авионот имало и „чуден патник“. Како што пишува Национал, станува збор за навивач кој учествувал во конфликтот, а кој бил прошверцуван во хотелот во кој била сместена делегацијата, а членовите на клубот му дале облека и го ставиле на летот.
Истите медиуми пренесуваат дека се работи за син и член на еден од членовите на Собранието на Динамо, а Национал наводно добил потврда дека оваа приказна ја потврдила и полицијата.