Душан Тадиќ летово пристигна во Фенербахче, а од неговото доаѓање во Турција блесна. На 15 натпревари постигна пет гола со три асистенции, но и покрај тоа има работи кои страшно го нервираат.
Фенербахче го демолираше Ризеспор со 5:0, а потоа Тадиќ направи нешто сосема неочекувано. Наместо да ја слави победата, тој реши да зборува за проблемот – судењето на натпреварите.
„Не сакам да зборувам на овие теми, но секој треба добро да се погледне во огледало и да размисли“, започна Тадиќ.
Не му се допаѓа тоа што го гледа и мисли дека работите треба итно да се променат.
„Истите работи се случуваат овде на секој натпревар. Не сакам да зборувам премногу за тоа бидејќи не сакам да бидам казнет, но за овие работи генерално треба да се зборува. Играв фудбал на врвно ниво со години и вакво нешто не сум видел“, заврши Тадиќ.
На многумина прво не им беше јасно на што точно мислеше, но потоа стана јасно дека се мисли на судиите.
На овој натпревар Џеко го постигна седмиот гол во 14-от последователен триумф на тимот од Истанбул во сите натпреварувања. Засега БХ фудбалер со пет гола во лигата, а додаде два во Конференциската лига.
Да потсетиме, моментално Фенербахче е на првото место со 21 освоен бод.
