Луѓето кои пијат две до три шолји кафе дневно имаат помала веројатност да страдаат од анксиозност или депресија во споредба со луѓето кои пијат повеќе или помалку од популарниот пијалок.
Претходните истражувања укажаа на различни здравствени придобивки од пиењето умерени количини кафе, како што се помал ризик од дијабетес тип 2, хронично заболување на црниот дроб, мозочен удар и рак, забележаа авторите на студијата. Тие се обиделе да разберат дали има врска помеѓу пиењето кафе и депресија или анксиозност бидејќи овие состојби на менталното здравје се многу чести, пренесува Ordinacija.hr.
Истражувачите анализирале податоци од 146.566 луѓе во Обединетото Кралство кои одговарале на прашања за нивното ментално здравје и навиките за пиење кафе помеѓу 2006 и 2010 година.
Отстранете го
Луѓето кои пиеле помалку од две до три шолји кафе дневно имале намален ризик од депресија и анксиозност. Но, ризикот бил најмал кај луѓето кои пиеле две до три шолји дневно. Откриле дека не е добро ниту да се претерува. За секоја чаша повеќе од три на ден, ризикот од двете нарушувања на менталното здравје се зголемувал.
Во 2016 година, исто така, беше спроведена студија во која луѓето одговараа на прашања од два прашалници за ментално здравје кои често се користат за дијагностицирање на анксиозност и депресија.
Околу 81% од учесниците биле љубители на кафе, а најчесто пријавената дневна количина на внесување била две до три шолји. Просечната возраст на луѓето во студијата била 56 години, а речиси 57% биле жени.
Нашите наоди ја поддржуваат препораката дека умереното консумирање кафе може да биде дел од здравиот начин на живот за превенција и управување со депресија и анксиозност кај општата популација, заклучија авторите на студијата.
