Српскиот претседател Александар Вучиќ изјави дека развојот на ситуацијата на Косово е најкомплициран и најопасен досега.
Тој исто така додаде дека настаните од 24 септември се најјасен показател за намерата на Приштина да спречи каков било договор со Белград и нормалниот живот на Србите на северот на Косово, соопшти неговиот кабинет.
Вучиќ за време на разговорот со министерот за надворешни работи на Данска, Ларс Леке Расмусен, рече дека Србија е подготвена да работи на продолжување на дијалогот, со посредство на Европската унија и потсети дека Белград ги исполнил сите свои обврски кои произлегуваат од од Бриселскиот договор.
Тој ја истакна важноста од натамошно меѓународно присуство на Косово.
Вучиќ ги повика претставниците на меѓународната заедница да ги преземат сите неопходни мерки за да се спречат опасните и неодговорни потези на Приштина, да се заштити српското население и да се повлечат припадниците на косовската специјална полиција од северот на Косово.
