Најмалку седум лица загинаа вчера, а девет се водат како исчезнати по излевање на река во западната мексиканска држава Халиско, соопштија локалните власти.
Обилните дождови ја погодија областа помеѓу пет и седум наутро, изјави за AFP Хуан Игнасио Аројо Верастеги, директор на локалната цивилна заштита. Тој додаде дека како последица на поплавите кои следеа, привремениот биланс се исчезнати девет, а седум загинати.
Реката Ел Кангрехо се излеа од коритата и ги поплави куќите во општината Аутлан, каде живеат околу 60.000 луѓе.
Врнежите беа особено обилни над планинскиот венец Сан Хуан Какома, што предизвика брзо издигнување на реката Ел Кангрехо.
Некои од телата на жртвите се пронајдени на повеќе од шест километри од местото каде што исчезнале.
Околу стотина спасувачи трагаат по исчезнатите.
Верастеги рече дека е можно сечата на шумите и пожарот во јуни во таа планинска зона да придонеле за поголемо таложење на водата од дождот.
