Основниот суд во Приштина на тројцата Срби кои вчера беа уапсени им одреди мерка притвор до 30 дена.
Две апсења беа извршени вчера на северот на Косово и едно јужно од Ибар во врска со наводното извршување на воени злосторства. Во северниот дел на Косовска Митровица е уапсен И.Е., а во Звечан само еден час подоцна Д.М., додека во меѓувреме во Прилужје е уапсен З.К.
Како што соопштија адвокатите на одбраната, тие денеска биле сослушани во Основниот суд во Приштина, со цел да се одлучува по барањето на обвинителството за притвор.
Според сознанијата на порталот КоССев, Основниот суд денеска го прифатил барањето на обвинителството и на сите тројца им одредил 30 дена притвор.
Бранителот на Д.М, Милош Делевиќ, за КоСсев потврди дека неговиот клиент е приведен. Тој посочи дека ќе биде сместен во затворот во Подуево. Воедно, Делевиќ најави и поднесување жалба во законскиот рок во врска со одлуката на судот.
Адвокатот на одбраната Д.
Тој нагласи и дека неговиот клиент тврди дека не е виновен, и дека работел во косовската полиција 10 години, кога ги поминал сите проверки.
Адвокатот на И.Е, Љубомир Пантовиќ, вчера за КоСсев изјави дека неговиот клиент е во лоша здравствена состојба, поради што набрзо по апсењето бил префрлен во болница во Приштина.
Овие апсења беа критикувани од официјален Белград.
Директорот на Канцеларијата за Косово и Метохија, Петар Петковиќ, вчера одржа вонредна прес-конференција на која рече дека киднапирањето на Србите било „исклучиво по наредба на Аљбин Курти“, со цел протерување на граѓаните од српска националност и етничко чистење. .
Тој рече и дека Курти „сака војна“, и дека и покрај критиките од Западот, ја има поддршката од делот што зборува за вината на „двете страни“.
Денеска се огласи и Западот, односно Европската Унија.
Европската унија многу внимателно ја следи ситуацијата и е во близок контакт со релевантните страни и власти, со цел да има целосни информации за последните настани на Косово, изјави денеска портпаролот на Европската унија, Петар Стано.
Тој додаде дека Европската унија ќе реагира доколку има потреба од тоа.
Запрашан за коментар за тоа дека сите тројца се обвинети за наводни воени злосторства, портпаролот на Европската унија рече дека „ЕУ тоа не го доведува во прашање“, уште еднаш нагласи дека ЕУ треба да ги добие сите информации за да има целосни информации.
