Шпанскиот тенисер Рафаел Надал во интервју во кое го најави своето враќање на тениските терени, меѓу другото откри и зошто не му честитал на Новак Ѓоковиќ по освојувањето на рекордната 24.грен слем титула на УС Опен.
Надал вели дека тоа го направил затоа што сакал Новак повеќе да го цени она што ќе му го испрати.
– Точно е дека сѐ уште не сум му испратил никаква порака на Ѓоковиќ од чисто незнаење. Кога ќе освоите нешто толку важно, од искуство знам дека е подобро да помине извесно време за да ја цените таа порака. Ќе испратам, но сѐ уште не сум го направил – изјави Надал.
Потоа појасни дека испраќа пораки до помладиот колега од репрезентацијата, но и дека веќе нема премногу пријатели на АТП турнирите поради генерациските разлики
– Се разбира, му испратив пораки на Карлос Алкараз кога победи или кога требаше да победи. Другите… немам многу пријатели, јас сум од другата генерација. Повремено разговарам со Федерер – рече Надал.
