Српските портали објавија видео на кое се гледа мајмун на покривот на куќа во белградската населба Карабурма. Видеото за прв пат беше објавено вчера од страната на Инстаграм и стана вистински хит.
На снимката се слуша гласот на една личност која вели дека на мајмунот му дала чоколадо и јаболко, кои животното ги зело и потоа повторно побегнало.
Не е јасно како мајмунот завршил на слобода, ниту пак како стигнал во Белград. Тоа е мајмун од родот макаки кои живеат низ Азија, Северна Африка и Гибралтар.
Засега не е познато што се случило со животното откако било снимено.
