Цените на нафтата би можеле да се искачат на троцифрени до следната година, доколку Русија и Саудиска Арабија не ги повлечат своите агресивни намалувања на снабдувањето, предупредува банката Голдман Сакс.
Банката која ги предупреди своите клиенти на ваквиот развој на настаните, соопшти дека можноста за високи цени на нафтата ја анализирала пред Русија и Саудиска Арабија да објават дека продолжуваат да го нмалуваат производството до крајот на 2023 година.
Голдман Сакс тогаш предвиде дека Брент ќе чини 86 долари во декември и 93 долари на крајот на 2024 година.
Сега, банката вели дека гледа „два нагорни ризици“ за нејзината прогноза.
Првиот се темели на очекувањето дека залихите на нафта во Саудиска Арабија да бидат 500.000 барели дневно помали од претходно очекуваните.
– Само ова би требало да додаде 2 долари на цената на нафтата за барел – велат од Банката.
Второ, Голдман Сакс предупреди дека некои од нејзините претпоставки за производство на нафта би можеле да бидат неточни доколку продолжи намалувањето на производството на земјите од ОПЕК +.
Банката очекуваше земјите извознички да вратат половина од 1,7 милиони барели дневно објавени во април во јануари.
Сега банката нуди можност за уште подолго продолжување.
„Размислете за сценариото во кое ОПЕК + ги задржува намалувањата од 2023 година во полн ефект до крајот на 2024 година и каде Саудиска Арабија само постепено го зголемува производството“, пишуваат аналитичарите на Голдман Сакс во извештајот.
По тоа сценарио, според банката, цената на нафтата „брент“ најверојатно ќе се зголеми на 107 долари за барел во декември 2024 година. Но, банката заклучува дека секое превисоко зголемување на цената на нафтата нема да биде од корист за ОПЕК+
Голдман Сакс нагласи дека тоа не е „основната позиција“ на банката бидејќи таквата стратегија може да има спротивен резултат.
Додека повисоките цени на нафтата би ѝ помогнале на Саудиска Арабија да го балансира буџетот и Русија да ја финансира својата воена машина, Goldman Sachs вели дека троцифрените цени на нафтата би можеле да предизвикаат американските производители на шкрилци да ја зголемат својата понуда по пониски цени. Покрај тоа, повисоките цени може да доведат до повеќе инвестиции во чиста енергија.
Друга причина зошто ОПЕК + можеби не сака нафта од 100 долари, според банката, е поради „политичката важност на цените на бензинот во САД“.
