Според информациите од Амбасадата во Атина, заклучно со 6 септември, еден македонски државјанин се наоѓа во градот Волос, на безбедно место, во локален хотел. Апелираме, сите наши државјани да ги избегнуваат загрозените подрачја и да останат на сигурно сè до евентуална евакуација – иинформира МВР во соопштение поврзано со поплавите во Грција.
„Министерството за надворешни работи изразува сочувство до семејствата на жртвите од големото невреме што ја зафатија Грција.
Информираме дека дипломатско-конзуларните претставништва на Република Северна Македонија во Грција се во постојана комуникација со надлежните институции, со цел пружање асистенција на нашите граѓани кои се наоѓаат во загрозените подрачја.
За сите наши државјани кои ќе се затекнат во Грција на располагање се СОС телефонот на МНР 075/ 273- 732 и дежурните телефони на Амбасадата во Атина +306944743071, како и во Генералниот конзулат во Солун + 30 6987200410“, соопшти МНР.
