Украинското Министерство за одбрана објави фотографии од театарот во Чернихив, кој вчера беше погоден од руска ракета.
„Последици од рускиот терористички напад“ – се вели во објавата на украинското Министерство за одбрана на Твитер.
Во рускиот ракетен напад на центарот на градот што се наоѓа во северниот дел на Украина загинаа 7 лица меѓу кои и едно 6-годишно девојче, а ранети се 144. Нападот бил извршен во текот на вчерашниот ден на централниот плоштад во Чернихив додека многу од граѓаните оделе во црква за православниот празник Преображение.
