Повеќе од една година Ковачевски тврди дека ВМРО-ДПМНЕ прифатило уставни измени. Во петокот сите лаги на СДС потонаа, не само што немаа 80 пратеника, немаат ниту 70 – се наведува во партиската реакција од ВМРО-ДПМНЕ.
За најголемата опозициска партија, изборите се единственото решение.
„Ковачевски да не ја држи Македонија заложник поради својата фотелја, изборите се единствено решение.
СДС знаат дека во моментот кога ќе ги стават на гласање уставните измени, тие ќе пропаднат, затоа развлекуваат во надеж месец повеќе да останат на власт. Додека СДС се држи за власта како за сламка за спас, Македонија тоне. Народот живее од ден во ден се полошо.
СДС ја оддалечува Македонија од ЕУ со криминалот, корупцијата и неспособната политика која ја водат. Единствен излез се избори. Избори за промени“ – посочуваа од ВМРО-ДПМНЕ.
