Националната агенција за јавно здравје на САД објави дека го следи новиот, високо мутиран вид на корона вирусот наречен „BA.2.86“.
Новиот вид е откриен во САД, Данска и Израел, објави американската агенција во четвртокот на платформата Твитер.
Светската здравствена организација (СЗО) објави на Твитер дека „BA.2.86“ е варијантата што се следи поради големиот број мутации што ги носи.
Новиот вид има 36 мутации, рече медицинскиот директор за дијагностичка микробиологија во Хјустон, Тексас, С. Весли Лонг, наведувајќи дека бустер вакцините ќе продолжат да помагаат во борбата против коронавирусот.
Вирологот Џеси Блум рече дека „BA.2.86“ е веројатно помалку пренослив од сегашните доминантни варијанти на ковид-19, објави Ројтерс.
