Гостин во ресторан во Мајами тврди дека бил претепан од обезбедувањето откако неговото семејство се обидело да се фотографира заедно на 21-от роденден на својата ќерка, додека Лионел Меси со сопругата Антонела и со Дејвид и Викторија Бекам се забавувале неколку метри подалеку.
Обезбедувањето налутено реагирало бидејќи го обвиниле гостинот во ресторанот дека се обидел да ги фотографира Лионел Меси и неговата сопруга Антонела, што тој го негирал, пренесува „Дејли мејл“, кој објави и видео од инцидентот.
„Скокнаа врз нас, ме исфрлија и ме удрија в лице. Само затоа што еден дечко од нашата група се фотографираше со сопругата, не со Бекам или соМеси, ништо. Ова беше семејна работа“, рекол повредениот гостин.
Обезбедувањето го исфрлило и го нападнало надвор, а гостинот завршил со крваво лице во раните. На видеото се слуша како неговата сопруга хистерично вика дека тој е семеен човек и дека само слави роденден на својата ќерка.
„Како се осмелувате? Каде е менаџерот? Како се осмелуваш! Тоа е проклето лудо“, викала таа. „Некој мора да добие отказ“, продолжила таа.
Викторија Бекам ја изнела ќерката Харпер (12) од ресторанот по насилната тепачка во ресторанот „Гека“.
Меси и Антонела вечерале во јапонскиот ресторан со колегите од Интер Мајами, ѕвездите Серхио Бускетс, Жорди Алба и семејството Бекам во петокот околу 22 часот кога избила тепачка.
Лионел Меси и Дејвид Бекам во петокот ја прославија во Мајами победата над фудбалскиот клуб Шарлот со 4:0 во Лига купот. Сопругата на Бускетс, Елена, исто така била таму и се фотографирала со Викторија и Антонела по уште една одлична ноќ на фудбалскиот терен за Интер Мајами.
Пред насилниот настан, Антонела се фотографирала со сопругот и со Викторија Бекам. Нападнатиот гостин се бранел со тоа дека Меси и неговото друштво биле во еден агол, а тој и неговото друштво во спротивниот дел.
Ресторанот во кој се случи инцидентот е во косопственост на порториканската рап-ѕвезда Бед Бани, кој е виден како влегува и излегува од ресторанот, а обожавателите попатно го запирале за да побараат заедничка фотографија.
Истата вечер, социјалните мрежи се проширија објави на кои се гледа како Меси и Антонела танцуваат во ресторанот. Викторија на својот инстаграм-профил објави колку многу се забавувала таа вечер.
Домаќин на славниот тим бил Дејвид Грутман. Тој на Инстаграм сподели фотографии од таа вечер.
„Лежерен петок“, напишал тој покрај фотографиите. Грутман е пријател на семејството Бекам и е виден на неколку натпревари во Мајами на стадионот ДРВ ПНК.
ФОТО: Инстаграм
