Бројот на загинати во шумските пожари на Хаваите се искачи на 96.
„Полицијата на Мауи објави дека се потврдени 96 жртви“, се вели во соопштението, пренесе Си-Ен-Ен.
Пожарот е најголемата природна катастрофа на Хаваите од 1961 година, кога цунами уби 61 лице на Големиот остров.
Според други извори, ова е најголем број на загинати во еден шумски пожар во последните 100 години.
Мази Сироно, сенатор од Хаваи, рече дека нема да има оправдувања за оваа трагедија и дека државата започнала официјална истрага за одговорот на властите на пожарот, вклучувајќи го и неактивирањето на сирената.
