Дел од Атина повторно е под блокада поради Bad Blue Boys. Денеска почна рочиштето за 105 лица, од кои повеќето се Хрвати, па полицијата стравувајќи од напад на хулиганите на АЕК држи се под контрола.
Сослушувањата на уапсените хулигани ќе траат до недела, со посебно правило, по триесетина од нив во групи од по 10 до 12 секој ден. Сослушувањата ги водат тројца истражители и се надеваме дека се ќе биде готово во наредните денови.
Утрото се појавија првите фотографии од доаѓањето на Бојс во судот. Повторно ги пречекаа еден куп грчки новинари и репортери кои особено го следат овој случај.
Полицијата ги блокираше сите приоди до судот бидејќи постои оправдан страв од можна одмазда или барем некаков протест на навивачите на АЕК кои заедно ќе одат на погребот на починатиот колега во 17 часот. Утринава превентивно се приведени три сомнителни лица во близина на судот.
