Јагниња на ражен, свињи на ражен, скара, се чини дека оваа година видовме сѐ и сешто на социјалните мрежи од луѓето кои се на одмор и дека ретко што може да не изненади, барем додека не се појави видео на кое се гледа како двајца мажи носат прасе на ражен да го мијат во морето.
Засега не е познато во кој дел од Јадранот е направена бизарната снимка која за кратко време стана вирална на социјалните мрежи. На видео споделено на Инстаграм, се гледаат двајца мажи како носат поголема свиња на ражен во морето, по што ја потопуваат и ја вртат под вода. Ова е само уште еден „бисер“ во низата кога станува збор за љубовта на туристите кон печењето, било да е јагнешко или свинско месо.
Снимката насловена „Свињите добро да се посолат“ е придружена со коментар на личноста која сè снимала со својот телефон.
„Чекај, навистина го носат во вода“, рекол човекот зад камерата кој шокиран не можел да поверува што му се случува пред очи.
„Одвратно, па во море!?
Слична реакција имаа уште неколку капачи, додека поголемиот дел од плажата, изгледа барем од видеото, не ни регистрираше што се случува.
Под самата објава на Инстаграм, корисниците не штедеа грди зборови во навреда на двајцата мажи.
„Одвратно. Го покажува целиот наш примитивизам“, „Боже, какви идиоти, реално ли е ова, во валканото море!? Еј, каде што сите се мочаат и плукаат, ова не можам да го гледам“, се само некои од нив.
