Организаторите на тенискиот грен слем УС Опен најавија дека годинава ќе имаат рекорден награден фонд.
Вкупниот награден фонд за годинешниот УС Опен ќе изнесува нереални 65 милиони долари, најавија челниците на четвртиот тениски грен слем во сезоната. Тоа е за пет милиони долари повеќе од турнирот од минатата сезона.
Победниците во машки и женски сингл ќе заработат по 3 милиони долари, што е за 15% повеќе од лани кога шампионите добија по 2,6 милиони долари.
Добро ќе заработат и останатите учесници на американскиот грен слем. Верувале или не, за самото појавување во главната ждрепка, тенисерите добиваат по 81.500 долари.
Шампионите во конкуренција на двојки ќе добијат по 700.000 долари по тим.
За споредба, наградниот фонд на Австралија Опен и на Ролан Гарос беше 53, а на Вимблдон 56,5 милиони долари.
